Ata-anasynyń ajyrasýy balanyń densaýlyǵyna keri áser etedi
ASTANA. QazAqparat - AQSh-taǵy Allergııa, demikpe jáne ımmýnologııa kolledjiniń ǵalymdary birneshe aı 17 jasqa deıingi 92 myń balaǵa arnaıy zertteý jumysyn júrgizgen. Ǵylymı jumys nátıjesi boıynsha, balada demikpeniń paıda bolýy ata-anasynyń ózara qarym-qatynasyna tikeleı baılanysty ekeni anyqtaldy, dep jazady medıtsınalyq saıt The Daily Mail.
Naqtyraq aıtqanda, erli-zaıyptynyń ajyrasýy, otbasy múshelerinde alkogol, temeki, esirtkimen baılanysty problemalardyń bolýy jáne otbasylyq zorly-qombylyq, qorlaý degen sekildi máseleler balada demikpe aýyrýnyń týýna sebep bolady.
Sondaı-aq, mamandardyń jazýynsha, otbasynda bir adamnyń túrmege qamalýy, psıhıkalyq aýytqý bolýy da balaǵa qatty áser etedi. Osyndaı faktordyń bireýi ǵana balanyń demikpe aýrýyna shaldyǵý qaýpin 28 paıyzǵa arttyrady. Bes jáne odan da kóp faktor qaýipti eki ese kóbeıtken. Zertteýge qatysqan balalardyń arasynda 31 paıyzy kem degende otbasynda joǵaryda atalǵan bir faktorǵa tap bolǵan. Eń keń taraǵandarynyń arasynda ata-analardyń ajyrasýy.
5 jáne odan da kóp faktorlarǵa jolyqqan balalardyń 25 paıyzy osyndaı keri tájirıbe bolmaǵan 12 paıyz balalarǵa qaraǵanda demikpege shaldyqqan Balanyń ómirinde faktorlar neǵurlym kóp bolsa, demikpeniń de qaýpi soǵurlym joǵary bolǵan.
