Ata-anasy vaktsına almaǵan balalar balabaqshaǵa kirgizilmeıtindigi jaıly aqparat jalǵan
ÓSKEMEN. QazAqparat – Shyǵys Qazaqstan oblysynda ata-anasy koronavırýsqa qarsy ekpe saldyrmaǵan balalar balabaqshaǵa kirgizilmeıtindigi jaıly aqparat jalǵan, dep habarlaıdy QazAqparat tilshisi.
Sońǵy kúnderi áleýmettik jelilerde «ata-anasy COVID-19-ǵa qarsy vaktsına almaǵan balalar balabaqshalarǵa kirgizilmeıtindigi» týraly aqparat tarap ketti. Alaıda óńirdiń jáne eldiń bas sanıtarlyq dárigerleriniń qaýlylarynda mundaı talaptar joq. ShQO Sanıtarlyq-epıdemıologııalyq baqylaý departamenti qaýesetti joqqa shyǵardy.
«QR Bas memlekettik sanıtarlyq dárigeriniń 14 shildedegi qaýlysynda mektepke deıingi mekemelerge baratyn búldirshinderdiń ata-analaryn vaktsınatsııalaý týraly másele qozǵalmaıdy. Balalar balabaqshalarǵa esh shekteýsiz barady», – delingen habarlamada.
Bas memlekettik sanıtarlyq dárigerdiń qaýlysynda sońǵy 3 aı ishinde turaqty medıtsınalyq qarsy kórsetilimderi bar nemese COVID-19 ınfektsııasymen aýyrǵandardy qospaǵanda, vırýsqa vaktsına almaǵan adamdar kúndizgi bólimde jumys isteýge jiberilmeıdi dep jazylǵan. Bul talap bilim berý jáne tárbıeleý uıymdarynyń qyzmetkerlerine de qatysty. Alaıda atalǵan bilim berý mekemelerine baratyn balalarǵa jáne olardyń ata-analaryna vaktsınatsııa týraly talaptar qoldanylmaıdy.
