Ata-anasy ajyrasqan jaǵdaıda balaǵa tańdaý beriledi - Sáýle Aıtpaeva
NUR-SULTAN. QazAqparat - Bala quqyqtary jónindegi ýákil Sáýle Aıtpaeva ata-anasy ajyrasqan jaǵdaıda qandaı balalarǵa tańdaý quqyǵy beriletinin atady, dep habarlaıdy QazAqparat tilshisi.
Ombýdsmenniń aıtýynsha, balalar quqyǵyna qatysty zańnamalarǵa 2019 jyldyń 1-sáýirinen bastap birqatar ózgerister engen. Ol ózgerister ajyrasý protsesterin de qamtıdy.
«Buǵan deıin aqyly jetilgen balalardyń ata-anasy ajyrasqan jaǵdaıda kimmen turatynyn ózi sheshý kerektigi týraly kóp aıtyldy. Sol usynysty jan-jaqty zerdeleı kele zańǵa ózgeris engizdik. Joǵarǵy sottyń qaýlysymen ata-analar ajyrasqan jaǵdaıda 10 jasqa tolǵan jáne 10 jastan asqan balalardan kimmen qalǵysy keletini týraly suraý qajettigi týraly sheshim shyǵaryldy», - dedi ol.
Aıta keteıik, ortalyq kommýnıkatsııalar qyzmetinde balalardyń qaýipsizdigine arnalǵan baspasóz máslıhatynda Sáýle Aıtpaeva kásipkerlerge úndeý tastaǵan bolatyn.
