Ata-ananyń jetkilikti kóńil bólmeýi jetkinshekterdi qylmysqa ıtermeleıdi
ASTANA. QazAqparat - Jańa zertteý jumystary kórsetkendeı, ata-ananyń qamqorynan az kórge ul balalar qatigez bolyp ósedi eken.
Pensılvanııa Ýnıversıtetiniń áleýmettanýshylary 85 sottalýshynyń ómirine qatysty jeke derekterin zerttep kórgen. Olar osy zertteý barysynda ata-anasy kóńil bólmegen jetkinshekter arasynan qylmyskerge aınalǵandardyń kóbirek shyǵatynyn anyqtaǵan, dep jazdy Science World Report.
Balany qataldyqpen tárbıeleý onyń yzaqor bolyp ósýine ákep soqtyrady. Ata-ananyń kóńil bólmeýi ondaı qaýipti kúsheıtedi.
Saýalnamaǵa qatysqan 25 adamnyń bireýiniń de ata-anasy óz mindetin tolyq oryndamaǵan bolyp shyqty. Jetkinshekterdiń agressııalyq áreketine qurdastarymen nemese ata-analarymen tóbeleskeni, muǵalimderge shabýyl jasaǵany, qorqytý maqsatynda qarýdy paıdalanǵany, tonaǵany nemese bireýdi jaraqattaǵany jatady.
