Ata-ananyń qoly bosamaı jatqanda balalary sýǵa batyp jatyr: ShQO-da bıyl 6 bala sýǵa ketti
ÓSKEMEN. QazAqparat - Shyǵys Qazaqstan oblysynda jyl basynan beri 6 bala sýǵa batyp ketti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar sý aıdyndarynda eresekterdiń qaraýynsyz qalǵan balalardyń jıi sýǵa ketip jatqanyna alańdaýda.
- Shomylý maýsymy bastalǵaly beri óńirdegi sý aıdyndarynda 3 bala sýǵa batqan. Al jyl basynan 6 bala sýǵa ketti. Kún saıyn departament qyzmetkerleri oblystyń barlyq sý aıdyndaryn patrýldeıdi. Reıdterge polıtsııa qyzmetkerleri jáne eriktiler qatysýda. Biraq soǵan qaramastan balalardyń tilsiz jaýdan kóz jumýy azaımaı tur. Eresekterdiń qaraýynsyz qalǵan balalar sýǵa batýda, - dep habarlady vedomstvo ókilderi.
Ótken shomylý maýsymynda sýda 8 bala qaıtys bolǵan. Qutqarýshylar men polıtseıler patrýldeý kezinde ata-analarǵa túsindirý jumystaryn júrgizýde.
