Ata-anań qaıda isteıdi: Qostanaı mektepteri qujattardy zańsyz suratyp otyrǵan
Memlekettik qyzmet standartynyń qazirgi normasy boıynsha, balalardy oqýǵa qabyldaý úshin ata-analar men olardyń zańdy ókilderinen qujattardyń 4 túri ǵana suratylady. Olar: oqýǵa qabyldaý týraly ótinish, jeke kýálik, densaýlyǵy týraly anyqtama, 3h4 formatyndaǵy balanyń fotosýreti (2 dana).
Degenmen, Arqalyq qalasynyń mektepteri ata-analardan basqa da qujattardy, atap aıtqanda, jumys oryndarynan anyqtamany talap etken.
«Arqalyq qalasynyń 7 mektebinde balalardy oqýǵa qabyldaý úshin ata-analarynyń jumys orny men turǵylyqty mekenjaıy týraly anyqtama suratqan. Munyń syrtynda mektep qyzmetkerleri jeke qujattar salatyn jańa papka, ata-analarynyń neke týraly kýáliginiń kóshirmesin, balaǵa minezdeme men mektepke deıingi daıarlyq synybyndaǵy jeke qujattaryn aldyryp otyrǵan. Oqýshylardyń quqyqtarynyń buzylýyna jol bermeý úshin oblystyq sybaılas jemqorlyqqa qarsy kúres departamenti Arqalyq qalasy ákimi men oblystyq bilim basqarmasynyń basshysyna hat joldady», - dedi Aıda Bajırova.
Búginde Arqalyq qalasynyń mektepterinde memlekettik qyzmet standartynyń qazirgi normasynyń saqtalýy boıynsha jınalystar ótýde. Quqyqbuzýshylyqqa jol bergen qaladaǵy 7 mektep tártiptik jazaǵa tartyldy.