Ata-analarǵa áskerdegi balalary týraly málimet taratýǵa tyıym salyndy
ASTANA. QazAqparat - Ázerbaıjannyń Qorǵanys mınıstrligi áskerı qyzmetshilerdiń ata-analaryna úndeý jarııalady, dep habarlaıdy QazAqparat trend.az saıtyna silteme jasap.
Vedomstvonyń dúısenbi kúni taratqan úndeýinde áskerı qyzmetshilerdiń qaýipsizdigi maqsatynda olardyń ata-analaryna telefon boıynsha jáne áleýmettik jelilerde áskerı qyzmet jaıly talqylamaý, sondaı-aq áskerı qyzmetshiler men olar qyzmet etetin áskerı bólimderdiń, ornalasqan jerleriniń, qarýlanýy men áskerı tehnıkalarǵa qatysty sýrettermen bólispeý usynylǵan.
