Ata-analardyń 83 paıyzy óz balalarynyń ǵylym týraly suraqtaryna jaýap qaıtara almaıdy
ASTANA. QazAqparat - Brıtandyq ǵalymdar júrgizgen zertteýlerge qaraǵanda, ata-analardyń 83 paıyzy balalarynyń ǵylym týraly suraqtaryna jaýap qaıtara almaǵan. Saýalnamany Injenerlik tehnologııalar ınstıtýty júrgizdi, dep habarlady «Veka» basylymy.
Ulybrıtanııa mamandarynyń saýalnamalaryna 1002 adam qatysqan. Olardyń bári de - ata-analar. Olar negizinen ózderiniń tórt jastan 12 jasqa deıingi balalaryn tárbıeleýge qatysty suraqtarǵa jaýap berdi. Onyń nátıjesinde suralǵandardyń úshten ekisin balalar matematıka, zamanaýı tehnologııalar nemese ınjenerııa salalaryndaǵy suraqtarymen yńǵaısyz jaǵdaıǵa qaldyrǵan. 61 paıyz ata-ana balalardyń suraqtaryna jaýapsyz qaraıdy. Olar qıyn suraqtardan qashqalaqtaıdy nemese, otbasynyń basqa múshesinen bilýge jiberedi. Olar da oılaryna ne kelse, sony aıta salady.
Eresekterdiń 59 paıyzy balalar zamanaýı tehnologııalar jóninen kóbirek biletinin málimdegen.
Injenerlik tehnologııalar ınstıtýtynyń basshysy Naomı Klımerdiń aıtýynsha, zertteý ata-analardyń óz balalarynyń suraqtaryna nashar daıarlanǵanyn atap kórsetti. Sondyqtan da Tvıtterdiń mıkroblogynda #AskTheEngineers, teginde ata-analar úshin qajetti jaýaptardy alýǵa bolatyn servıs qurý týraly sheshim qabyldandy.
Psıhologtardyń aıtýynsha, balalarmen túsinikti tilde sóılesý qajet. Balalar úshin arnaıy shyǵarylǵan entsıklopedııalardy úıde ustaý da biraz máselelerdi sheshedi.
