Ata-analardy pedagogıkalyq qoldaý ortalyǵynda 300 myńnan astam adam tirkeldi

ASTANA. KAZINFORM - «Órken» balalardyń ál-aýqatyn arttyrý ulttyq ǵylymı-praktıkalyq ınstıtýtynyń málimeti boıynsha, 300 myńnan astam paıdalanýshy Ata-analardy pedagogıkalyq qoldaý ortalyǵynda tirkelgen.

Bul týraly QR Oqý-aǵartý mınıstrliginiń baspasóz qyzmetinen málim boldy.

Eske sala keteıik, bul ortalyqtar ótken jyldyń 1 qyrkúıeginen bastap elimizdiń barlyq bilim berý uıymdarynda «Birtutas tárbıe» baǵdarlamasy aıasynda jumys isteı bastady. Baǵdarlamanyń basty basymdyǵy — balalardy oqytý men tárbıeleýde otbasy men mektep arasyndaǵy ózara baılanysty nyǵaıtý, sondaı-aq pozıtıvti ata-ana mádenıetin damytý.