Ata-analardan artyq qujattar suratqan mektep dırektorlary jazaǵa tartylyp jatyr
ASTANA. QazAqparat - Oqýshylardyń ata-analarynan artyq qujattar suratqan mektep dırektorlary jazaǵa tartylyp jatyr. Bul týraly Ortalyq kommýnıkatsııalar qyzmetinde Bilim jáne ǵylym vıtse-mınıstri Ashat Aımaǵambetov málim etti, dep habarlaıdy QazAqparat.
Baspasóz máslıhatynda Astanadaǵy keıbir mektepter ata-analardan mekenjaı anyqtamasyn suratqanyn jáne osy talaptyń qanshalyqty zańdy ekendigi týraly saýal qoıyldy.
«Osy aptanyń ishinde Astana qalasy boıynsha 5 mekteptiń dırektory jaýapqa tartyldy. Sonyń ishinde qatań sógister de bar. Jol berilgen bul qatelikterge qatysty tıisti sharalar qabyldanyp jatyr. Basqa oblystarda, eldi mekenderde bul jumys ary qaraı jalǵasady», - dedi vıtse-mınıstr.
Onyń sózine qaraǵanda, qyzmetke qatysty standarttar bekitilgen, soǵan sáıkes tek 4 qujatty mektepke tapsyrý kerek.
«Odan basqa qujat suralsa, osy mekteptiń basshylyǵyn tıisti jaýapqa tartatyn bolamyz», - dedi Ashat Aımaǵambetov.
