Ata-analar mekteptegi tamaqtandyrý protsesin tikeleı baqylaı alady – mınıstr
Mektep oqýshylaryn ystyq tamaqpen qamtý protsesin ata-analardyń tikeleı baqylaý múmkindigi bar. Bul týraly Oqý-aǵartý mınıstri Ǵanı Beısembaev málim etti, dep habarlaıdy Kazinform.
«Mektepte ystyq tamaq berý bala aǵzasyna jáne ıntellektýaldyq damýyna oń yqpal etedi. Osy oraıda bul máselege erekshe nazar aýdaryp otyrmyz. Buǵan deıin elimizdegi 9 óńirde ǵana oqýshylar tegin ystyq tamaqpen qamtylǵan bolsa, bıyl 1 qyrkúıekten bastap barlyq óńirdegi 1,4 mln bastaýysh synyp oqýshysy men 5-11 synyptar aralyǵyndaǵy 200 myń áleýmettik az qamtylǵan otbasy balalary mektepterde tegin tamaqtanyp jatyr», - dedi Ǵanı Beısembaev Ortalyq kommýnıkatsııalar qyzmeti alańynda ótken baspasóz qyzmetinde.
Mınıstrdiń aıtýynsha, tamaqtandyrý júıesiniń normatıvtik-quqyqtyq bazasy jetildirildi.
«Mektepte tamaqtandyrýmen aınalysatyn uıymnyń aldynala sanepıdemıologııalyq qyzmet qorytyndysy bolýy kerek. Mekteptegi qamqorshylyq keńes, ata-analar komıteti, mektep ákimshiligi, medıtsına qyzmetkeriniń ókilderinen quralǵan komıssııa qyzmeti kúsheıtildi. Qabyldanǵan sharalar tamaqtaný sapasyn jaqsartýdy ǵana emes, tamaqtaný mádenıetin arttyrýdy da kózdeıdi. Biz barlyq ata-anany mekteptegi tamaq sapasyn baqylaýǵa qatysýǵa shaqyramyz. Ol úshin mektepterde arnaıy komıssııa bar. Eger komıssııanyń múshesi bolamyn deseńiz, 8 (7172) 74-25-28 telefony arqyly habarlasyp, aqparatty alýǵa bolady», - deıdi ol.
