Ata-analar balasynyń mektepke kelip-ketkenin mobıldi qosymsha arqyly baqylaı alady

ÓSKEMEN. QazAqparat – Óskemen qalasynda ata-analar balalarynyń mektepke kelip-qaıtqanyn mobıldi qosymsha arqyly baqylaýyna múmkindik beretin joba júzege asyp jatyr, dep habarlaıdy QazAqparat tilshisi.

ShQO tsıfrlandyrý jáne arhıvter basqarmasynyń málimetine súıensek, Jobanyń ataýy - «Ata-ana baqylaýy».

«Jobaǵa qala boıynsha 55 bilim ordasy qatysyp jatyr. Sol arqyly ata-analar balalarynyń mektepke kelgeni jáne ketkeni týraly avtomatty túrde habardar etilip otyrady. Osy úshin arnaıy mobıldi qosymsha ázirlenip jatyr», - deıdi basqarma basshysy Rústem Dosqoja.

Onyń aıtýynsha, bıyl terrorıstik turǵydan osal obektilerdegi órt qaýipsizdigin basqarý júıesine qatysty pılottyq joba engizilmek.

Nátıjesinde, 10 áleýmettik bilim berý jáne densaýlyq saqtaý nysanynda oblystyq sıtýatsııalyq ortalyqtyń basqarý pýltine sıgnal berý arqyly órtti ýaqtyly jáne avtomatty túrde anyqtaýǵa múmkindik jasalady.

«Sondaı-aq týrısterdi qajetti aqparatpen qamtamasyz etý jáne qalanyń týrıstik áleýetin arttyrý maqsatynda ınteraktıvti onlaın gıd – «visiteast» mobıldi qosymshasy iske qosylyp otyr. Óskemen boıynsha ınteraktıvti onlaın gıd júıesine 139 mekeme qosylǵan», - deıdi R. Dosqoja.