Ata-anaǵa jansaqtaý bóliminde balamen birge bolýǵa ruqsat beriledi

ASTANA. KAZINFORM — Elimizde endigi ýaqytta bala aýrýhananyń reanımatsııa bóliminde jatqanda ata-anasy nemese zańdy ókiliniń qasynda birge bolýǵa ruqsat berilmek.

Buǵan qatysty buıryq jobasy «Ashyq NQA» portalynda jarııalandy. 

«Ashyq reanımatsııa» qaǵıdaty — anestezıologııa jáne reanımatsııa jáne qarqyndy terapııa bólimshesinde balalardyń táýlik boıy zańdy ókilderimen birge bolýyn uıymdastyrýdy kózdeıdi, — delingen qujatta.

Osylaısha «Ashyq reanımatsııa» qaǵıdaty múgedektigi bar, onkogematologııalyq aýrýlary bar, pallıatıvtik kómekke muqtaj balalarǵa, ólim aýzyndaǵy balalarǵa, jetim jáne ata-anasynyń qamqorlyǵynsyz qalǵan balalarǵa qoldanylmaq. 

Densaýlyq saqtaý mınıstrliginiń málimetinshe, atalǵan standartty engizý balalarǵa anestezıologııalyq jáne reanımatologııalyq kómek kórsetýge oń yqpal etedi. Sonymen qatar teris saldary joq jáne qosymsha shyǵyndy qajet etpeıdi. 

Qujat jobasy 28 aqpanǵa deıin qoǵamdyq talqylaýǵa usynylyp otyr. 

Aıta ketsek, Qazaqstanda V jáne S vırýstyq gepatıtterin anyqtaýǵa arnalǵan skrınıng engizilip jatyr. 

Sondaı-aq endigi ýaqytta jeke medıtsınalyq kitapshalar qazir onlaın rejıminde qoljetimdi.