Ata-ana nazaryna: ІІM jol apattarynyń aldyn alý týraly rolık jarııalady

Іshki ister mınıstrligi jol qaýipsizdigi deńgeıin arttyrý qajettigine taǵy da nazar aýdardy. Jyl basynan beri elimizde balalardyń qatysýymen 3,5 myńnan astam jol-kólik oqıǵasy bolǵan, onda 165 kámeletke tolmaǵan bala qaza taýyp, 4 myńnan astamy jaraqat alǵan, dep habarlaıdy Polisia.kz.

Joldaǵy qaýipsizdik kóbinese kólik júrgizý tártibine baılanysty. Jol apattarynyń sebepteri kelesideı bolýy múmkin:

– Kólik tizginin kámeletke tolmaǵandarǵa nemese kólik quralyn basqarýǵa quqyǵy joq basqa adamdarǵa berý. Bul jol júrisi qaǵıdalaryn óreskel buzýǵa jatady.

– Jyldamdyqty arttyrý. Belgilengen jyldamdyqty saqtamaý apattyń bolý yqtımaldyǵyn arttyrady.

– Mas kúıde kólik júrgizý. Alkogoldi nemese esirtkini qoldaný júrgizýshiniń reaktsııasyn tómendetedi.

– Jol júrisi qaǵıdalaryn buzý. Baǵdarshamdardy, jol belgilerin elemeý, basyp ozý erejelerin saqtamaý qaıǵyly jaǵdaıǵa ákep soǵady.

– Júrgizýshiniń nazaryn aýlaý. Uıaly telefondy paıdalaný jáne basqa da alańdatatyn jaǵdaılar júrgizýshige kedergi keltirip,oqys oqıǵaǵa sebep bolýy múmkin. Polıtsııa azamattardy jolda muqııat jáne jaýapty bolýǵa shaqyrady. Júrgizýshiler jol erejelerin qatań saqtaýy kerek.

– Tek birlesip qana biz eleýli nátıjelerge qol jetkizip, qaıǵyly oqıǵalardyń aldyn alamyz, – dep atap ótti ІІM.