Ata-ana narazy bolsa, onda balaǵa adam papıllomasyna qarsy vaktsınatsııa jasalmaıdy
ASTANA. QazAqparat - Ata-ana narazy bolsa, onda balaǵa adam papıllomasyna qarsy vaktsınatsııa jasalmaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý vıtse-mınıstri Serikbol Mýsınov málim etti.
«Bizdiń ulttyq kúntizbemizde mindetti ekpe júrgiziletin 21 aýrý túri bar. Ózderińiz biletindeı, kúntizbe qoldanysta. Adam papıllomasyna qarsy vaktsınatsııa júrgizý 11-12 jastaǵy qyz balalarǵa ilki joba rejiminde júrgizilýde. Eger ata-anasy, bala bas tartatyn bolsa, onda vaktsınatsııa júrgizilmeıdi", - ded i S.Mýsınov.
Aıta keteıik, búgingi tańda adam papıllomasy vırýsyna qarsy vaktsınatsııa AQSh, Kanada, Eýropa men Azııanyń, Latyn Amerıkasynyń, Afrıkanyń jáne Tynyq muhıty óńirin qosqanda 22 el úshin mindetti bolyp sanalady. Jalpy, 70-ke jýyq el osy vaktsınany paıdalanady.
