Ata-ana quqyǵynan aıyrylǵandarǵa balany qaıtarýǵa múmkindik beriledi - Dınara Zákıeva
ASTANA. KAZINFORM – Bala quqyqtary jónindegi ýákil Dınara Zákıeva memleket otbasynan tartyp alǵan balany keıin ata-anasyna qaıtarý múmkindigine qatysty pikir bildirdi.
«Qoldanystaǵy zańnamaǵa sáıkes bizde ata-ana quqyǵyn shekteý nemese aıyrý negizderi belgilengen. Bul sheshimdi tek sot shyǵarady. Jalpy, ata-ana quqyǵynan aıyrý nemese shekteý turǵysynda kámeletke tolmaǵandardyń isteri jónindegi komıssııadan kelip túsken materıaldardyń 17-20 paıyzyn sot qanaǵattandyratynyn aıta keteıin», - dedi D. Zákıeva Senatty tilshiler suraǵyna jaýap bere otyryp.
Bul rette ol otbasyna jaǵdaıdy túzetýge únemi múmkindik beriletinin aıtty.
«Olar balanyń qaýipsizdigine qaýip tóndiretin jaǵdaıdy túzetýi tıis belgili bir kezeń bar», - dep naqtylady Bala quqyqtary jónindegi ýákil.
Buǵan deıin Májilis depýtaty Juldyz Súleımenova Parlament qabyldaǵan jańa zańnamalyq normalarda balalardy ata-analarynan tartyp alý máselesi qarastyrylmaǵanyn málim etti.
