Ata-ana qamqorlyǵynsyz qalǵan balalar shyǵarmashylyǵynyń І respýblıkalyq festıvali ótedi
ASTANA. QazAqparat - 2018 jyldyń 28-30 maýsym kúnderi Qazmedıa ortalyǵynda Astana qalasynyń 20 jyldyq mereıtoıy aıasynda «Búginniń balasy - bolashaqtyń danasy» atty ata-ana qamqorlyǵynsyz qalǵan balalar shyǵarmashylyǵynyń І respýblıkalyq festıvali ótedi, dep habarlaıdy QazAqparat festıvaldiń baspasóz hatshysyna siltememen.
Sharany uıymdastyrýshylar - Qazaqstan Respýblıkasynyń Mádenıet jáne sport mınıstrligi, «Aktıv laıf» múgedekterdiń qoǵamdyq birlestigi jáne Bahytjan Tajınovtyń Shyǵarmashylyq sheberhanasy.
Festıval Astana qalasyndaǵy jáne Qazaqstan Respýblıkasynyń basqa da óńirlerindegi balalar úıiniń 7 jastan 18 jasqa deıingi tárbıelenýshilerin qatysýǵa shaqyrady.
Mádenı shara kúnderi is-shara qatysýshylary men qonaqtaryna shyǵarmashylyqtyń ártúrli baǵytyndaǵy ataqty mamandardyń sheberlik sabaqtary men semınarlary ótkiziletin bolady.
Festıvaldiń baıqaýlyq baǵdarlamasy birneshe nomınatsııa boıynsha júrgiziletin bolady: Estradalyq vokal - patrıottyq ánderdi oryndaý, zamanaýı ulttyq kıimder dızaıny, kórkem sóz - týǵan jer týraly shyǵarmany oryndaý, halyqtyq qolóner - Uly dala sheberi, fotosýret óneri - meniń zamanymdaǵy batyrlar, horeografııa - qazaqtyń ulttyq bıi.
Baıqaý kúnderiniń qorytyndysy boıynsha kásibı ádil qazylar alqasy ıelerin ár nomınatsııa boıynsha úsh júldeli orynnyń laýreattaryn jáne Gran-prı ıegerin tańdap alady.Festıvaldyń ashylýy 28 maýsym kúni 17.00-de, saltanatty marapattaý rásimi 30 maýsym kúni 18.00-de ótedi.
30 maýsym kúni elimizdiń eń úlken teleortalyǵy - «Qazmedıa Ortalyǵynda» qazaqstandyq estrada juldyzdarynyń, úzdik horeografııalyq jáne oryndaýshylyq ujym men «Búginniń balasy - bolashaqtyń danasy» atty alǵashqy ata-ana qamqorlyǵynsyz qalǵan balalar shyǵarmashylyq respýblıkalyq festıvali jeńimpazdarynyń qatysýymen gala-kontsert ótkiziledi.
Aıta keteıik, «QazAqparat» HAA - festıvaldiń aqparattyq áriptesi.
