At jarysynan álem kýbogynda jeńimpazdar anyqtaldy

ASTANA. KAZINFORM - Áıgili qazaqstandyq júırik jylqy Kabırhan Birikken Arab Ámirliginiń Dýbaı qalasynda ótken at jarysynan álem kýbogynda baq synady. Atalǵan jarysta ol júldeli orynnan kórine alǵan joq.

Báıgede jetinshi nomermen synǵa túsken Laurel Rival sáıgúligi jeńiske jetti. Al Kabırhan negizgi toptyń arasynda máre syzyǵyn kesip ótti. Ol báıgede máre syzyǵyn toǵyzynshy bolyp qıdy.
Álem kýbogyna dúnıejúziniń kóptegen elderinen san alýan báıgede top jarǵan júıriktermen básekege tústi.

Aıta ketsek, halyqaralyq at sporty federatsııasynyń resmı málimetine sáıkes, álemde 450 myń júırik at bar. Onyń ishinde 200 myń jylqy únemi álemdik jarystarǵa qatysady. Bul týraly «Respýblıkalyq zaýyt jylqylary tuqymy palatasy» Prezıdenti Talǵat Jaısanbaev aıtty.

Kabırhan - qazir 4 jastaǵy asyl tuqymdy jylqy. Ákesiniń esimi Kalıfornııa Hrom, enesiniń esimi Lıttl Emılı. Kalıfornııa Hrom Kentýkkı derbıinen bastap, Brıderz Kapke deıingi AQSh-tyń kóptegen bedeldi at báıgeleriniń jeńimpazy. Negizi Kabırhan AQSh-ta ómirge kelgen, 1,5 jasynda Kınelend aýktsıonynda satylǵan.