At ústinen sadaq atýshylarǵa álemdik jarystarǵa jol ashyldy
ASTANA. QazAqparat - At ústinen sadaq atý boıynsha qazaqstandyq sportshylar álemdik deńgeıdegi sporttyq jarystarǵa qatysatyn bolady. Tıisti memorandýmǵa búgin Astanada qol qoıyldy, dep habarlaıdy QazAqparat tilshisi.
Ekijaqty memorandýmǵa «QR Ulttyq sport túrleri qaýymdastyǵy» zańdy tulǵalar birlestiginiń prezıdenti Bekbolat Tileýhan men Halyqaralyq at ústinen sadaq atý alıansynyń Ońtústik Koreıadan kelgen ókili Kım ıÝng Sýp qol qoıdy. Onda «at ústinen sadaq atý sportyn damytý jəne nasıhattaý jolynda ózara ortaq túsinik jáne qurmet negizinde jan-jaqty qatynastardy qurýǵa, damytýǵa jáne qoldaýǵa ynta tanytylady» delingen.
«Bul uıymmen yntymaqtasý arqyly bizdiń sportshylarymyz Halyqaralyq at ústinen sadaq atý alıansynyń atynan əlemdik deńgeıdegi sporttyq jarystarǵa shaqyrtý alatyn bolady. Jəne ol bizge halyqaralyq jarystarda tájirıbe jınaýymyzǵa mol septigin tıgizetinine senimdimin», - dedi QR Ulttyq sport túrleri qaýymdastyǵynyń prezıdenti B.Tileýhan.
Óz kezeginde Halyqaralyq alıanstyń ókili Kım ıÝng Sýp: «2004 jyly Ońtústik Koreıadan bastaý alǵan at ústinen sadaq atý sportynyń halyqaralyq aıasy keńeıip Qazaqstanda da ótip jatqanyna qýanyshtymyn. Endigi kezekte Halyqaralyq at ústinen sadaq atý alıansy men QR Mádenıet jáne sport mınıstrligi atalǵan sport túrin mádenı mura retinde jańǵyrtýǵa jáne tanytýǵa birge kúsh salatynymyzǵa úmittenemin», - dedi.
Buǵan deıin habarlaǵanymyzdaı, erteń Astanada «Altyn jebe» ekinshi halyqaralyq sadaqshylar týrnıri bastalady.
