At sporty oıyndarynyń jeńimpazdary EKSPO-ǵa joldama aldy
Jarys qorytyndysy boıynsha, Ulan aýdany jeńiske jetse, ekinshi oryndy - Kókpekti, úshinshi oryndy tarbaǵataılyq komandalar enshiledi.
Jeńimpaz komandalar men sportshylar 22-23 shilde kúnderi Astana qalasynda ótetin Shyǵys Qazaqstannyń mádenıet kúnderi aıasynda ulttyq sport túrlerinen óz sheberlikterin kórsetip, shyǵystyń namysyn qorǵaıtyn bolady.
Aıta ketsek, «EHRO-2017» kórmesine kókpar, aýdaryspaq, teńge ilý, qyz qýý, jamby atý syndy ulttyq oıyndarymen kópshilikti tań-tamasha etýge ShQO-dan 60-qa jýyq adamnan quralǵan delegatsııa attanady.
Eske sala keteıik, atalmysh dodaǵa Tarbaǵataı, Abaı, Ulan, Kókpekti aýdandarynan kelgen komandalar men Óskemen qalasynyń sportshylary qatysty. Oblys ortalyǵynda bas qosqan epti de jigerli jastar bes komandaǵa bólinip, kópshilikti tartysty oıyndarymen tánti etti.
