At sportynan qazaqstandyqtar Tashkentte ótken iri týrnırlerde sátti óner kórsetti

TAShKENT. KAZINFORM – Ózbekstan astanasynda konkýr boıynsha Maxima Masters Eýrazııa týrnıriniń komandalyq serııasy men álem kýbogynyń kezeńderi ótti. 

Ulttyq olımpıadalyq komıtettiń málimetinshe, bul sporttyq saıysta Qazaqstannyń atynan alty sportshy baq synady. 

Otandastarymyz tómendegideı nátıje kórsetti:

– Ksenııa Batalova – ártúrli bıiktiktegi kedergiler boıynsha úsh kúmis medal (120 sm, 160 sm, 140 sm);

– Oleg Sobolenko – bir kúmis (125 sm), sondaı-aq komandalyq jarysta qola júlde;

– Nurıla Turysbekova – bir kúmis (130 sm), eki qola (130 sm jáne komandalyq jarysta);

– Daıana Onaeva – komandalyq jarysta qola medal;

– Bekjan Baıjanuly – bir kúmis (130 sm), bir qola (komandalyq jarysta).

Tashkenttegi jarysqa Qazaqstan, Ózbekstan jáne Qyrǵyzstannan barlyǵy 43 sportshy qatysty. Eýrazııalyq lıga kúntizbesine engen bul kezeń halyqaralyq maýsym úshin asa mańyzdy sanalady.

Eske sala keteıik, buǵan deıin Qazaqstan quramasy ártistik júzýden Kanadada ótetin álem kýbogy kezeńine qatysatynyn jazǵan edik.