Asyraýshysynan aıyrylǵan adamdarǵa beriletin áleýmettik tólem 30 paıyzǵa artady
«Ótken jyly biz áleýmettik qoldaýdyń aýqymyn aıtarlyqtaı arttyra bildik. Úkimetke 2020 jyldyń 1 qańtarynan bastap eńbekke jaramdylyq qabiletin joǵaltqan, asyraýshysynan aıyrylǵan adamdarǵa beriletin ortasha áleýmettik tólemniń mólsherin MÁSQ esebinen 30 paıyzǵa deıin arttyrýdy tapsyramyn. Mádına (Ábilqasymova - avt.), bul jumysty júrgizýge bola ma?», - dedi Úkimettiń keńeıtilgen otyrysynda Elbasy Eńbek jáne halyqty áleýmettik qorǵaý mınıstrine.
Óz kezeginde Mádına Ábilqasymova bul baǵytta zań jobasy ázirlengenin, naýryz aıynda Parlamentke engizýge daıyn ekenin aıtty.
«Sonymen birge, múgedekterdiń quqyǵyn qorǵaý sapasyn arttyrýdyń ulttyq jospary da bar emes pe?!», - dedi Prezıdent.
Eńbek jáne halyqty áleýmettik qorǵaý mınıstri atalmysh ulttyq jospar Qazaqstanda tuńǵysh ret keshendi ıntegratsııalyq jospar retinde jasalyp jatqanyn jetkizdi.
«Ol múgedektigi bar adamdardyń quqyǵyn qorǵaý, ınklıýzıvti bilim berý, jumysqa ornalastyrý, kedergisiz orta, áleýmettik qyzmetterdiń sapasyn arttyrý salalaryn qamtıdy», - dedi mınıstr.
Eske sala ketsek, Úkimet úıinde QR Prezıdenti Nursultan Nazarbaevtyń tóraǵalyǵymen Úkimettiń keńeıtilgen quramdaǵy otyrysy ótip ótti.
