Asyrandy balalardy nelikten keri qaıtaryp jatady

ASTANA. QazAqparat – Qazaqstanda asyrap alǵan balalardy keri qaıtarýdyń sebepteri aıtyldy, dep habarlaıdy QazAqparat tilshisi.

«Asyrap alǵan balalardy qaıtarý faktileri bar. Biraq, kóp jaǵdaıda emes jáne onyń sebepteri obektıvti. Mysaly, asyrap alýshynyń nemese balanyń densaýlyq jaǵdaıyna baılanysty bolýy múmkin. Sonymen qatar asyrap alýshynyń materıaldyq jaǵdaıyna da qatysty bolyp jatady. Osy sekildi basqa da obektıvti sebepter bar. Erekshe balalardy da asyraýǵa alyp jatady. Olardyń dıagnozy ártúrli. Sondyqtan tek qana saý balalardy asyrap alady degen qate pikir», - dedi Oqý-aǵartý mınıstrliginiń balalar quqyǵyn qorǵaý komıtetiniń bas sarapshysy Janna Sársenbaeva BAQ ókilderiniń saýalyna jaýap bere turyp.

Onyń aıtýynsha, asyrap alýshy jylyna eki ret balanyń ómir súrý jaǵdaıy boıynsha esep beredi.

«Odan bólek, ortalyq mamandary bala asyrap alǵan otbasylarǵa baryp turady. Maqsat – balanyń jeke basy men ómir súrý jaǵdaıyn baqylaý. Árıne, mamandar aldymen baratyndyǵy týraly eskertedi. ıAǵnı, bireýdiń úıine basa-kóptep kirip barmaıdy», - deıdi sarapshy.

Elimizde balalar úıleriniń ataýy men qyzmeti ózgerip jatqandyǵy týraly habarlaǵan bolatynbyz.

Sondaı-aq, Qazaqstanda jetim balalardyń 80% otbasynda tárbıe alyp jatqandyǵy aıtyldy. Búginde elimizde 20 myńnan astam jetim bala bar eken.

Aıta keteıik, búgin Astanada elimizdegi balalar úıleri qyzmetin transformatsııalaý máselelerine arnalǵan jıyn ótti.

Sharaǵa quzyrly organdar ókilderi men balalar úıleri basshylary qatysty.