Asyljan Bektaı Álem chempıonatynyń qola júldegeri atandy
QYZYLORDA. QazAqparat-Bangkok (Taıland) qalasynda aýyr atletıkadan 17 jasqa deıin jasóspirimder arasynda ótken Álem chempıonatynda Asyljan Bektaı qola júldeni enshiledi, dep habarlady QazAqparat HAA tilshisi oblystyq dene shynyqtyrý jáne sport basqarmasyna silteme jasap.
Ol 77 keli salmaq dárejesinde synǵa túsip, julqa kóterýde 140, serpe kóterýde 166 kelini kóterip, qossaıysta 306 kelini baǵyndyrdy.
Asyljan 2000 jyly Qyzylorda oblysy Shıeli aýdanynda dúnıege kelgen. 7 synyptan bastap aýyr atletıka sektsııasyna qatysty. Buǵan deıin jasóspirimder arasynda eki márte Qazaqstan Respýblıkasy chempıonatynyń (2015, 2017 jj.) jáne kýbogynyń (2016 j.) kúmis júldesin ıelendi. Aýyr atletıkadan QR sport sheberi. Bapkeri - Qaldybaı Toqbaev.
Jas sportshynyń aldaǵy jospary - mamyr aıynda Shymkentte ótetin QR Jastar sport oıyndaryna qatysý, sodan keıin shilde aıynda Katmandýda (Nepal) bolatyn Azııa chempıonatyna daıyndalady.
