Asylhan Turar velotrekten Azııa Kýbogyn jeńip aldy
ASTANA. QazAqparat - 10-12 qazan aralyǵynda Úndistannyń Nıý-Delı qalasynda velotrekten Azııa Kýbogy jarystary ótti. Úsh medal alǵan qazaqstandyq sportshylar sporttyń osy túrinen Azııa kóshbasshylarynyń biri ekendigin dáleldedi, dep habarlaıdy QazAqparat Qazaqstannyń velosport federatsııasynyń baspasóz qyzmetine silteme jasap.
Velojarystardyń qıyn túri sanalatyn omnıým báıgesinde skretch, tempo, elımınator jáne upaı jarystary boıynsha velosıped tepken 20 jastaǵy qazaqstandyq sportshy Asylhan Turar jeńimpaz atandy. Ol «korol báıgesiniń» birinshi jáne sońǵy kezeńderinde jeńiske jetip, tempoda qytaılyq Lıan Gýony, al elımınatorda ózbekstandyq Rýslan Fedorovty alǵa jiberip aldy. Asylhan Turar jalpy báıgeni eseptegi iri basymdyqpen aıaqtady - AQSh-tan barǵan Lembı Eshton men Qytaı sportshysy Lıan Gýodan 14 upaıǵa ozyp ketti.
Bir kún buryn Asylhan Turar jeke báıgede Azııa Kýbogynyń qola medalin alǵan bolatyn, al komandalasy Vladımır Tsoı upaı báıgesinde ekinshi oryndy ıelenip, Qazaqstan delegatsııasynyń qorjynyna bir kúmis saldy.
