Asyl tuqymdy mal sharýashylyǵyn damytý maqsatyn kózdeıtin zań jobasy ekinshi oqylymǵa daıyn

Bul jóninde Májilistiń Agrarlyq máseleler komıteti qorytyndy shyǵaryp otyr.

«Qazaqstan Respýblıkasynyń keıbir zańnamalyq aktilerine asyl tuqymdy mal sharýashylyǵy máseleleri boıynsha ózgerister men tolyqtyrýlar engizý týraly» zań jobasynda «Asyl tuqymdy mal sharýashylyǵy týraly» jáne «Selektsııalyq jetistikterdi qorǵaý týraly» zańdarǵa túzetýler engiziledi.

Zań jobasyn qabyldaýdyń maqsaty - asyl tuqymdy mal sharýashylyǵy máseleleri boıynsha zańnamany jetildirý. Asyl tuqymdy ónim alý úshin aýyl sharýashylyǵy óndirisinde paıdalanylatyn janýarlar tizimi keńeıtilip otyr.

Zań jobasyn ekinshi oqylymǵa daıyndaý barysynda depýtattardan 57 jazbasha túzetý kelip túsken, jumys tobynyń 14 otyrysy ótti. Salystyrma kestege parlamentshilerdiń 85 túzetýi engizilgen.

Atalǵan zań jobasy erteń, 29 maýsym kúni, ótetin Palatanyń jalpy otyrysynyń kún tártibine usynylyp otyr.