Asyl tuqymdy mal sharýashylyǵy salasyndaǵy respýblıkalyq palatalardyń quzireti keńeıtilmek
Bul týraly Parlament Májilisiniń jalpy otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.
Aıta keteıik, palatanyń jalpy otyrysynda «Qazaqstan Respýblıkasynyń keıbir zańnamalyq aktilerine asyl tuqymdy mal sharýashylyǵy máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Zań jobasynyń 16-5-babynda aýyl sharýashylyǵy beıinindegi ǵylymı-zertteý uıymdarynyń quziretin kúsheıtý qarastyrylady. Atalǵan uıymdar ýákiletti organmen birlesip jańa normatıvtik-quqyqtyq aktilerdi daıarlaýǵa jáne asyl tuqymdy mal sharýashylyǵy salasyndaǵy aqparattyq júıelerdiń jumysyn júrgizýdi qamtamasyz etýge qatysatyn bolady. Sonymen birge, «Molekýlıarlyq genetıkalyq saraptama» jańa 21-1-baby qarastyrylýda. Atalǵan bapta molekýlıarlyq genetıkalyq saraptama júrgizý kezindegi negizgi erejeler, tapsyrys berýshiniń (mal ıesi) jáne mamandandyrylǵan zerthananyń quqyqtary men mindetteri kórsetiledi. Odan basqa molekýlıarlyq genetıkalyq saraptamanyń oryndaýshylaryn zańdy negizde bekitý úshin, «mamandandyrylǵan zerthana» degen jańa uǵym engizilýde», - dedi E. Qarashókeev.
Odan basqa, qujattyń 28-3-babynda asyl tuqymdy mal sharýashylyǵy salasyndaǵy respýblıkalyq palatalardyń qyzmetterin retteý maqsatynda zań jobasymen respýblıkalyq palatalardyń quziretteri naqtylanady jáne keńeıtilýde. Máselen, respýblıkalyq palata múshelerin shaqyrý, respýblıkalyq palata músheleriniń kezekten tys jınalysyn ótkizýge jınaý jáne respýblıkalyq palata tóraǵasynyń ókilettik merzimderi zań negizinde anyqtalynady.
«Respýblıkalyq palatanyń atqarýshy organyna asyl tuqymdy maldardyń reestrin júrgizý jáne onyń málimetterin asyl tuqymdy maldardyń respýblıkalyq reestrine qosý úshin ýákiletti organǵa usyný múmkindigi beriledi. Sonymen qatar, zań jobasymen jumys isteý kezinde Májiliste depýtattar qujattyń erejelerin jetildirýge baǵyttalǵan birqatar ózerister men tolyqtyrýlar engizdi. Olardyń keıibireýlerine toqtalyp ketýge ruqsat etińizder. Máselen, zań jobasynyń jańashyldyǵynyń biri - asyl tuqymdy mal sharýashylyǵy salasynda profılaktıkalyq baqylaý júrgizýdiń erekshelikterin reglamentteý (QR Kásipkerlik kodeksine sáıkes). Memlekettik baqylaýdyn bul túri sýbektige barmaı-aq zań buzýshylyqtardy boldyrmaýǵa jáne jol bermeýge múmkindik beredi, sondaı-aq eń bastysy, baqylaý sýbektilerine óz betinshe ýákiletti organ ańyqtaǵan zań buzýshylyqtardy joıýǵa múmkindik jasaıdy», - dedi mınıstr.
Onyń aıtýynsha, zań jobasynyń taǵy bir jańashyldyǵy - asyl tuqymdy ortalyqtarǵa uryq satyp alý múmkindigin berý.
Odan basqa, respýblıkalyq palatalardyń usynystary boıynsha janýarlardyń tuqymdyq ári ónimdilik qasıtetterin jaqsartý maqsatynda zań jobasymen aýyl sharýashylyǵy taýaryn óndirýshilerge jańadan alynǵan uryq jáne embrıondardy paıdalanýǵa múmkindik ashylyp otyr.
«Jalpy qarastyrylyp jatqan Zań jobasyndaǵy barlyq qabyldanyp jatqan túzetýler ósirilip otyrǵan mal tuqymdarynyń genetıkalyq áleýetiniń dengeıin arttyrýǵa, asyl tuqymdy selektsııalyq jumystardyń sapasyn jetildirýge, asyl tuqymdy mal basy sanynyń ósimin jedeldetýge jáne respýblıkadaǵy janýarlardyń ónimdilik deńgeılerin arttyrýǵa baǵyttalǵan», - dedi vedomstvo basshysy.
