Asyl tuqymdy mal satyp almaq bolǵan sharýa alaıaqqa aldandy
AQTÓBE. QazAqparat – Aqtóbelik turǵyn asyl tuqymdy mal satyp alý úshin 60 mıllıon teńgeden astam qarjysyn beıtanys adamǵa ustatyp jibergen, dep habarlaıdy QazAqparat tilshisi.
Aqtóbe oblystyq polıtsııa qyzmetkerleri qaraǵandylyq kúdiktini qolǵa túsirdi. Ol Reseıden asyl tuqymdy iri qara satyp alyp berýge ýáde berip, aqtóbelikti aldap ketti. 28 jastaǵy aqtóbeliktiń senimine kirip, 67 mıllıon teńgeden astam qarjysyn ıemdengen.
«Qazirgi ýaqytta polıtsııa qyzmetkerleri kúdiktiniń basqa da alaıaqtyq iske qatysynyń bar-joǵyn anyqtap jatyr. QR QK «Alaıaqtyq» baby boıynsha sotqa deıingi tergeý bastaldy. Polıtsııa mundaı derekti kún saıyn tirkeıdi. Qazirgi ýaqytta kelip túsken barlyq ótinish tirkelip, olar boıynsha sotqa deıingi tergeý amaly júrgizilip jatyr. Aqtóbe oblysynyń polıtsııa departamenti azamattardan saq bolýdy suraıdy», - dedi oblystyq PD baspasóz qyzmetiniń jetekshisi Erbolat Sarqulov.
