Asyl tuqymdy mal ákelýmen qatar elimizdegi maldyń genetıkalyq áleýetin arttyrý jumystary da qatar júrgiziledi -«QazAgro» holdıngi
ASTANA. 6 jeltoqsan. QazAqparat /Rýslan Ǵabbasov/ - Asyl tuqymdy mal basyn syrttan ákelýmen qatar elimizdegi maldyń genetıkalyq áleýetin arttyrý jumystary da qatar júrgiziledi. Búgin «QazAgro» ulttyq basqarý holdıngi» AQ basshysy Asyljan Mamytbekov selektorlyq rejımdegi Úkimet otyrysynan keıin jýrnalısterge bergen suhbatynda osylaı aıtty.
«Atap aıtqanda, biz tek shetelden ımporttaýmen shektelmeımiz. Biz ózimizde qazirgi kezde bar asyl tuqymdy mal basynyń genetıkalyq áleýetin arttyrý jumystarymen de aınalysamyz»,-dedi ol.
A. Mamytbekov osy oraıda et naryǵyndaǵy basqa oıynshylarmen básekelestikti arttyrý turǵysynda asyl tuqymdy mal basynyń sanyn arttyrý aıryqsha basymdyqtardyń qatarynda turǵanyn atap ótti.
«Qazirgi kezde aýylsharýashylyǵynda et salasynyń úlesin arttyrý boıynsha konkýrstyq jumystar júrgizilip jatyr. Osy oraıda mal sharýashylyǵy men etti óndiristik óńdeý jumystaryna basymdyq berilip otyr.Osynyń negizinde mańyzdy elementterdiń bir - asyl tuqymdy mal basyn arttyrý. Sebebi qazirgi kezdegi mal basymen shektelsek, bul saladaǵy tıimdilik deńgeıi tómen bolmaq»,-dedi «QazAgro» basshysy.
Onyń sózine qaraǵanda, bıyl sútti jáne etti 5 myń bas asyl tuqymdy maldy ımporttaý josparlanyp otyr.
