Asyl tuqymdy qoı satyp alýǵa berilgen 13,5 mln teńgeni jymqyrǵan shymkenttik sottaldy

NUR-SULTAN. QazAqparat – Qarjylyq monıtorıng agenttiginiń Shymkent qalasy boıynsha departamenti «Agroónerkásipti damytýdyń 2017-2021 jyldarǵa arnalǵan» baǵdarlamasy aıasynda bólingen bıýdjet qarajatyn jymqyrý faktisi boıynsha sotqa deıingi tergeýdi aıaqtady, dep habarlaıdy QazAqparat vedomstvonyń baspasóz qyzmetine silteme jasap.

«Máselen, óńir turǵyny 2020 jyly senimhattar negizinde 2 sharýa qojalyǵy atynan Shymkent qalasynyń Aýyl sharýashylyǵy jáne veterınarııa basqarmasyna asyl tuqymdy qoı satyp alýǵa jáne jem-shóp shyǵyndaryn óteýge 13,5 mln teńgege ótinim bergen. Alaıda, sotqa deıingi tergeý aıasynda asyl tuqymdy qoılar satyp alynbaǵany, alynǵan bıýdjet qarajaty jeke qajettilikterge jumsalǵany anyqtaldy. Keltirilgen zalal tolyq óteldi», - deıdi vedomstvo ókili.

Sot úkimimen ol kináli dep tanylyp, 5 jylǵa shartty túrde bas bostandyǵynan aıyrý jazasy taǵaıyndaldy.