Asyl tas, ishimdik, temeki: Shekarada bir táýlikte qolǵa túsken kontrabanda

ASTANA. QazAqparat - «Qorǵas» shekara baqylaý jasaǵynyń qyzmetkerleri 76,5 kg baǵaly tasty el shekarasynan zańsyz alyp ótpek bolǵan 26 jastaǵy azamatty ustady, dep habarlaıdy QazAqparat Shekara qyzmetine silteme jasap.

«Keshe «Qorǵas» shekara bólimshesiniń baqylaýshylary Qazaqstan aýmaǵynan 76,5 keli baǵaly tasty (káriptas) tıisti qujatsyz alyp ótpek bolǵan 26 jastaǵy otandasymyzdy quryqtady. Kontrabandaǵa qatysty tıisti hattama toltyrylyp, «Altynkól» keden postyna tapsyryldy» delingen habarlamada.  

Sondaı-aq, Beıneý shekara jasaǵynyń «Tájen» shekara baqylaý bólimshesiniń shekarashylary el shebi arqyly jalpy quny 35 myń teńgege baǵalanǵan 32 lıtr spırttik ishimdikti ótkizýge talpynǵan sheteldiktiń jolyna tosqaýyl qoıdy. Ózbekstannyń 32 jastaǵy azamatynan tárkilengen kontrabandalyq taýarlar «Tájen» keden postyna ótkizildi. 

Sol kúni qordaılyq shekarashylar da qyrǵyz azamatynyń jol sómkesin shekaralyq baqylaýdan ótkizý kezinde 6 000 qorap temeki ónimin taýyp tárkiledi. Elimizge baǵyt alyp shyqqan aıyr qalpaqty azamat ótkizýge talpynǵan temeki ónimderiniń aktsızdik markasy men tıisti qujattary bolmaǵan.

Kontrabandaǵa tıisti akt jasalyp, Qordaı aýdandyq memlekettik kirister basqarmasynyń qyzmetkerlerine tapsyryldy.