«Asyl mura» aıasynda tarıhı eskertkishter týraly kitap jaryq kóredi

ASTANA. QazAqparat – Aldaǵy eki jylda «Asyl mura» baǵdarlamasynyń aıasynda tarıhı jáne mádenı eskertkishter týraly kitap jaryq kóredi. Bul týraly ortalyq kommýnıkatsııalar qyzmetinde ótken brıfıngide «Azamattyq bastamalardy qoldaý ortalyǵy» kommertsııalyq emes aktsıonerlerlik qoǵam tóraǵasy Ǵalym Qurman aıtty, dep habarlaıdy QazAqparat tilshisi.

«Asyl mura» degen baǵdarlamamyz bar. Sonyń bıyl birinshi tomy shyqty. Onda memorıaldy keshender jaryq kórdi. Kelesi jyly tarıhı eskertkishter shyǵady. Úshinshi jyly bizde mádenı eskertkishter boıynsha úsh tomdyq kádimgi úlken kitap shyǵady», - dedi ortalyq basshysy.

Onyń aıtýynsha, kelesi jyldan bastap bul baǵdarlama boıynsha qarjy ıgerýdiń tásilderi ózgerýi múmkin.

«Kelesi jyly zańnyń aıasynda basym baǵyttardy bekitemiz. Ony sheshý joldaryn úkimettik emes uıymdardyń ózderi beredi», - dedi Ǵalym Qurman.

Foto: pixy.org