«Asyl-Ekspert» ıntervaldy jarna qory jarna tólemine engiziletin aqsha somasynyń tómengi mólsherin 10 ese tómendetti
ALMATY. 26 maýsym. QazAqparat -«Asyl-Ekspert» ıntervaldy jarna qory jarna tólemine engiziletin aqsha somasynyń tómengi mólsherin 50-den 5 myń teńgege deıin tómendetti.
Bul týraly «Asyl-Invest» AQ-nyń basshylary búgin Almatyda ótkizgen baspasóz máslıhatynda málimdedi.
«Halyqtyń basym bóligi qor naryǵynda qalaı aqsha tabýǵa bolatynyn onsha túsinbeıdi jáne basqarýshylarǵa senimmen qaramaıdy. Investorlar qomaqty aqshamen tikeleı bırja naryǵyna shyǵyp, ózdiginen saýda-sattyq jasaýǵa tyrysady. Halyq úlestik jarna qorlaryna baryp, onyń jumys tetikterin túsinýi úshin oǵan kirý shegin barynsha tómendetken jón», - deıdi «Asyl-Invest» AQ-nyń Basqarma tóraǵasynyń orynbasary Tımýr Sálimov.
Qazir naryqta 38 paılyq ınvestıtsııalyq qorlar bar. Onyń 12-si ashyq, 23-ıntervaldy. Sáýir aıynda bólshek qorlar sany 38 bolatyn. Olar «RESMI» ınvestıtsııalyq qarjy úıiniń ıntervaldy jarna qorlarynyń jabylýynan qysqardy. Degenmen bólshek qorlar turaqtandy deýge bolady. Endi jańa qorlardyń ashylýy qor naryǵy kúrt óskende jáne oǵan ınvestorlardyń jappaı qyzyǵýshylyǵy artqan jaǵdaıda ǵana múmkin bolmaq.
