«Asyl Bala» qaýymdastyǵy Elbasyna qaıyrymdylyq aktsııasyna jeke zattaryn bergeni úshin alǵys bildirdi
Hatta Nursultan Nazarbaevtyń baı tájirıbesi men memleket basshysy retinde jumsap kele jatqan kúsh-jigeri arqasynda Qazaqstannyń búginde eldi áleýmettik-ekonomıkalyq ózgertý turǵysynan daýsyz tabystarǵa jetip otyrǵany aıtylǵan.
«Alǵys aıtý kúni Sizge rahmet aıtýǵa ruqsat etińiz. Elimizde damyp kele jatqan qaıyrymdylyq isine kórsetken qoldaýyńyz úshin rahmet. Jeke ózińiz úlgi bolyp, únemi halyqtyń áleýmettik álsiz toptaryna, ásirese balalarǵa kómek kórsetýge shaqyratynyńyz úshin rahmet», - dep jazady avtorlar.
Memleket basshysyna «Asyl bala» respýblıkalyq qaýymdastyǵynyń músheleri «Meıirim aktsııasyna» jeke zattaryn bergeni úshin de alǵys aıtqan.
«Barlyq tapsyrylǵan qarajattar «Ǵumyr úshin» jobasyn júzege asyrýǵa baǵyttalady, onyń maqsaty - onkologııalyq dertke shaldyqqan balalardy dıagnostıkalaý men emdeýdegi álemdik medıtsına ǵylymynyń zamanaýı jetistikterine, baǵan jasýshalardyń halyqaralyq bankine qazaqstandyq balalardyń qol jetkizýin qamtamasyz etý», - delingen hatta.
Sońynda avtorlar Nursultan Nazarbaevqa jáne elimizge Otanymyzdyń keleshegi úshin barlyq ıgi maqsattarǵa jetip, tatýlyqpen órkendeı berýimizge tilektes ekenderin jetkizgen.
«Biz meıirimdilik, súıispenshilik jáne qazaqstandyq qaıyrymdylyqtyń jalpyǵa ortaq kúni retinde qabyldaýǵa bolatyn Alǵys aıtý kúnin merekeleý izgi de ıgi dástúrge aınalady dep úmittenemiz», - dep atap ótilgen hatta.