«Asyl arna» telearnasyna 2 jyl toldy

2007 jyly Qazaqstan musylmandary Dinı basqarmasynyń qoldaýymen qurylǵan telearna 2008 jyly sol kezdegi QR Mádenıet jáne aqparat mınıstrliginde elektrondy buqaralyq aqparat quraly retinde tirkelgen edi. 2009 jyly 20 tamyzda Ramazan aıyna oraılas «Asyl arna» telearnasynyń resmı ashylýy ótti.

Alǵashynda telearnany Almaty jáne Qyzylorda qalasynyń kórermenderi kórýge múmkindik alǵan bolatyn. Búginde Qazaqstannyń barlyq iri qalalarynda kabeldik jeli arqyly habar taratady. Ótken jyldyń maýsym aıynan bastap, arna óz kókjıegin keńeıtip, spýtnık júıesine qosyldy. Qazaqstannyń birneshe qalalarynda arnanyń tilshiler qosyny jumys jasaıdy.

Qazaqstannyń Islam yntymaqtastyǵy uıymyna tóraǵalyǵyna oraı telearna bıyl Qazaqstannyń birneshe ásem, kórikti mekenderine ekspedıtsııa uıymdastyryp, alynǵan sapaly beınekontent negizinde Qasıetti Quran súreleri beriletin «Quran nury» jobasyn bastady. Tóraǵalyq aıasynda uıymǵa múshe memlekettermen, olardyń elimizdegi elshilerimen, elaralyq qarym-qatynasyna arnalǵan «Islam yntymaqtastyǵy» baǵdarlamasy da efırden jol tartty. Qazir telearnada alpysqa jýyq baǵdarlama bar. Bıylǵy orazada telearnanyń efırlik keskin- kelbeti, dızaıny jańardy. Bıylǵy jyldyń kókteminen bastap arnany saıt arqyly onlaın júıede kórýge múmkindik berildi.

Telearnaǵa aıtysker aqyn, dintanýshy Muhamedjan Tazabekov jetekshilik etedi. Atap óteıik, «Asyl arna» ázirge TMD sheńberindegi tuńǵysh, ári birden bir derbes ıslamı aǵartýshylyq arna bolyp otyr.