Asyqtan Aqmola oblysynyń chempıonaty ótti
KÓKShETAÝ. QazAqparat - Asyq atýdan Aqmola oblysynyń chempıonaty ótti, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Vedomstvonyń málimeti boıynsha, Kókshetaý qalasynda uıymdastyrylǵan jarysqa Shortandy, Esil, Tselınograd, Qorǵaljyn aýdandary jáne Kókshetaý, Stepnogor qalalarynan kelgen mektep oqýshylary qatysty. Jarys jeńimpazdary Shymkent qalasynda ótetin respýblıkalyq chempıonatta Aqmola oblysynyń namysyn qorǵaıtyn bolady.
Jarystyń bas tóreshisi Samat Áýkenovtiń aıtýynsha, sońǵy kezderi asyq atý oıynyna ózge ult ókilderi de qyzyǵýshylyq tanytyp otyrǵan jaıy bar.
«Asyq oıyny - qazaq halqynyń dástúrli oıyny. Bul balalardy mergendikke, eptilikke baýlıdy. Densaýlyq úshin tıimdi. Kóp qarajatty qajet etpeıdi. Eń bastysy qyzyǵýshylyq pen ynta bolýy qajet. Sonymen qatar, ata-babalarymyzdan mura bolyp kele jatqan bul oıyn jastardy patrıotızmge tárbıeleıdi», - deıdi Samat Áýkenov.
Jarys sońynda jeńimpazdar arnaıy dıplom, medal jáne baǵaly syılyqtarmen marapattaldy.
