Asyq atýdan ulttyq mektep lıgasynda qaraǵandylyq oqýshy jeńimpaz atandy
QARAǴANDY. QazAqparat – Qaraǵandy oblysynyń segizinshi synyp oqýshysy asyq atýdan ulttyq mektep lıgasynda jeńiske jetti, dep habarlaıdy QazAqparat tilshisi.
17-21 mamyr aralyǵynda Kókshetaýda asyq atýdan Ulttyq mektep lıgasy ótti. Oǵan 7—8 synyptardyń 50 oqýshysy, onyń ishinde Qaraǵandy oblysynan 6 adam qatysty.
Abaı aýdanynyń segizinshi synyp oqýshysy Nurdáýlet Esimov «Altyn saqa» syılyǵynyń ıegeri atandy. Bul júlde eń jaqsy oıynshyǵa beriledi.
Jarys jeńimpazyn Asyq atý respýblıkalyq federatsııasynyń vıtse-prezıdenti Jomart Sabyrjanov marapattady.
Nurdáýlet 14 jasta. Ol Abaı aýdany Qulaıǵyr aýylynyń «Topar» jalpy bilim beretin mektebinde oqıdy. Úzdik oqýshylar qatarynda.
Asyq oınaýmen 8 jasynan bastap aınalysady. Ony dene shynyqtyrý pániniń muǵalimi Nurlan Rahmetov jattyqtyrady.
Nurdáýlet – asyq atýdan aýdandyq jáne oblystyq jarystardyń jeńimpazy.
