Asyq atýdan onlaın chempıonat: Elordalyq erler quramasy birinshi orynǵa ıe boldy
NUR-SULTAN. QazAqparat – Eresekter arasynda onlaın ótken chempıonatta elordalyq erler quramasy «Asyq atýdan» birinshi orynǵa ıe boldy, dep habarlaıdy QazAqparat tilshisi.
Ádilhan Jumaǵulov, Myrzamurat Qaıypbekov, Nurqanat Moljigitov bastaǵan erler quramasy tórtinshi ret ózderiniń chempıondyq ataǵyn saqtap qaldy. Ekinshi oryndy Túrkistan oblysy ıelense, úshinshi orynǵa Aqmola oblysy qol jetkizgen.
Al elordalyq qyzdar komandasy «Bes asyq» boıynsha 2 oryndy ıelendi. Top quramynda Anargúl Hodjanııazova, Aıjan Serikova, Uljalǵas Hýdaıberdıeva óner kórsetti. Olar Qostanaı oblysynyń sportshylaryna ese jiberip, SQO sportshylarynan basym tústi.
«5-9 qarasha aralyǵynda ótken Qazaqstan Respýblıkasynyń chempıonatyna 12 komanda qatysty. Atap aıtsaq, Jambyl, BQO, SQO, Qostanaı, Atyraý, Pavlodar, Qyzylorda, Aqmola,Túrkistan, Qaraǵandy oblystary men Nur-Sultan, Shymkent qalasynyń sportshylarynan quralǵan komandalar baq synady», - dep habarlaıdy elorda ákimdiginen .
Aıta ketsek, jalpy Nur-Sultan qalasynda 300-ge jýyq adam asyq atý sport túrimen aınalysady. Olardyń ishinde mektep oqýshylarymen qatar eresekter de bar.
