Asyq atý men bes asyqtan Qazaqstan kýbogi bastaldy

ATYRAÝ. QazAqparat – Atyraýda asyq atý men bes asyqtan el kýbogi bastaldy. Oǵan erler jáne áıelder komandalarynan barlyǵy 70-ge jýyq sportshy qatysyp jatyr, dep habarlaıdy QazAqparat.

Mádenıet jáne sport mınıstrligi, Atyraý oblysy ákimdigi men Asyq atý respýblıkalyq federatsııasynyń uıymdastyrýymen ótip jatqan saıysqa asyq atýdan – 36, bes asyqtan 32 sportshy baq synaýda.

Asyq atý respýblıkalyq federatsııasynyń vıtse-prezıdenti Jomart Sabyrjanovtyń aıtýynsha, el kýbogin ótkizýdegi maqsat – ulttyq oıyndy nasıhattap, asyq atýdy ulttyq sport retinde damytý.

«Qazaq halqynyń ulttyq oıyny qatarynda asyq atý men bes asyq ta bar. Bul oıyn eptilikke, mergendikke baýlıdy. Atyraý oblysynda mundaı saıys alǵash ret ótkizilip jatyr», -dedi oblystyq dene shynyqtyrý jáne sport basqarmasy basshysynyń mindetin atqarýshy Nurjaýǵan Tóleýova.

El kýbogi Atyraý qalasynda «Geolog» sport kesheninde ótip jatyr. Jeńimpazdar 1 qarashada anyqtalady.

Budan buryn atyraýlyq sportshy gir kóterýden álem chempıony atanǵanyn habarlaǵan bolatynbyz. Rıshat Ǵalıahmetov 10 jyldan beri gir sportymen aınalysady. Ol bıylAzııa chempıony atanǵan. Endi Úndistanda ótip jatqan álem chempıonatynda 95 keli salmaqta altyn medal ıelenip otyr.