Asy ústirtine 7 adam bolyp jolǵa shyqqan otbasy joǵalyp ketti

QONAEV. QazAqparat – Almaty oblysynda 7 adamnan turatyn otbasyn izdestirý jumystary júrip jatyr, dep habarlaıdy QazAqparat oblystyq tótenshe jaǵdaılar departamentine silteme jasap.

Búgin, 3 qańtar kúni saǵat 8:00-de Almaty oblysy Tótenshe jaǵdaılar departamentiniń kezekshi bólimi pýltine otbasynyń joǵalyp ketkeni týraly habarlama tústi.

Atap aıtqanda, Eńbekshiqazaq aýdany Shelek aýylynan 80 shaqyrym jerde, taýly aımaqtaǵy Bortoǵaı sý qoımasynda 7 adamnan turatyn otbasy (tórt er adam, eki áıel adam jáne bala) joǵalyp ketken. Olar 2 qańtarda eki kólikpen Almatydan Asy ústirtine qaraı shyǵyp, úılerine oralmaǵan.

Joǵalǵan adamdardy izdeý jumystaryn Tótenshe jaǵdaılar departamenti, respýblıkalyq jedel-qutqarý jasaǵy, jergilikti atqarýshy organdar men aýdandyq ishki ister bólimi júrgizip jatyr. Іzdeý sharalaryna dron jumyldyrylǵan.