ASV 77 týrnıri: Búgin Ospanovpen birge taǵy bir otandasymyz sharshy alańǵa shyǵady
ASTANA. QazAqparat - Búgin qazaqstandyq erejesiz jekpe-jek sheberi Arman Ospanov pen birge taǵy bir otandasymyz Asyljan Baqytjanuly (6-0) sharshy alańǵa shyǵady, dep habarlaıdy QazAqparat.
Keshe, 22 jeltoqsanda reseılik promoýshen Absolute Championship Berkut 77 týrnıriniń aldyndaǵy salmaq ólsheý jáne kóz arbasý rásimin ótkizdi. Alaıda, bul rásimge Arman Ospanov belgisiz sebepterge baılanysty kelmeı qalǵan. Biraq, rıng-anonser onyń kórsetkishin 66,6 keli dep habarlady. Al reseılik qarsylasy Alekseı Polpýdnıkovtyń (24-4-1) salmaǵy 66,2 keli boldy.
Sonymen qatar osy týrnırde baq synaıtyn ekinshi otandasymyz Asyljan Baqytjanulynyń salmaǵy 91,1 keli boldy. Onyń qarsylasy reseılik Mýslım Mahmýdov (9-4) - 93,3 keli tartty.
Ospanov - Polpýdnıkov jekpe-jegi aldyn ala boljam boıynsha Máskeýde, Astana ýaqytymen saǵat 01.00-de bastalady.
