Asúıde umytylyp qalǵan lotereıa bıleti amerıkandyqqa bes mıllıon dollarǵa jýyq utys ákeldi
ASTANA. 18 mamyr. QazAqparat - AQSh-tyń Illınoıs shtaty, Chıkago qalasynyń turǵyny Rıkardo Sereso asúıdegi jınaq sandyqshadan 4,85 mıllıon dollar utys alyp kelgen lotereıa bıletin taýyp aldy. Bul týraly NBC Chicago habarlady.
Bılet basqa taǵy birneshe bıletpen birge jatqan jáne ony asúıdi jınastyrǵan kezde Rıkardo Seresonyń jubaıy laqtyryp tastamaq bolǵan eken. Ol joldasynan bıletterdi aparyp tekserip kelýdi ótinipti.
Sereso bıletterdi tekserýge barǵanda, olardyń kópshiliginen túk shyqpaǵan. Biraq, bireýi sátti bolyp shyqty. Bıletterdiń nómirlerin salystyryp teksergen kompıýter bılet ıesiniń syılyq alýǵa quqyǵyn málimdeýi qajet ekeni týraly habar bergen. Utys somasy bul kezde kórsetilmepti.
Jergilikti basylymdar jazǵandaı, Sereso bastapqyda shamamen 600 dollar uttym dep oılaǵan eken, biraq, lotereıa kompanııasynan utystyń 4,5 mıllıon dollardan asqany týraly jaýap alǵan. Sereso otbasynyń qaryzdary, sonyń ishinde úıge kepildik boıynsha da qaryzdary kóp bolǵandyqtan, utys óte oryndy kelgendigin aıtady. Rıkardo Sereso utysqa óte qýanyshty ekenin jáne oǵan tań qalǵany týraly málimdedi, alaıda, oǵan jınaq sandyqshany syılaǵan qyzy Savannanyń bul qýanyshty bólise almaıtyndyǵyn ýaıymdaýda. Qyzy 2012 jyly jazda aýyryp qaıtys bolǵan.
Utystyń bir bóligin Sereso otbasy shirkeýge jáne qaıyrymdylyq uıymdaryna berýge nıetti.
Illınoıs turǵynyna 4,85 mıllıon dollar ákelgen utys oıyny aqpannyń basynda ótken bolatyn.
