Asus jańa netbýktar batareıalarynyń ómirin 14 saǵatqa uzartty
ASTANA. Jeltoqsannyń 28-i. QazAqparat - Asus jańa Eee PC Seashell 1005P, 1005PE jáne 1001P netbýktar batareıalarynyń ómirin 14 saǵatqa uzartty. Bul Super Hybrid Engine tehnologııalarynyń jáne Intel Pinetrail platformalarynyń arqasynda múmkin boldy,
dep habarlaıdy QazAqparat Lenta.rý saıtyna silteme jasap.
Seashell-diń úsh modeli de Intel Atom N450 protsessorymen basqarylady jáne Windows 7-men jumys isteýge jáne ınternet-serfıng nemese fotosýretterdi qaraý úshin Express Gate arqyly 8 sekýndta qosylýǵa múmkindik bere otyryp, operatsııalyq júıeniń eki qosqyshymen jabdyqtalǵan.
Buǵan deıin netbýktar akkýmýlıatorlarynyń úırenshikti merzimi 7-8 saǵattan aspaıtyn.
Intel Atom N450 kompanııasynyń jańa protsessory energııany aıtarlyqtaı az qabyldaıtynymen erekshelenedi. Osylaısha, derbes jumys isteýdiń qol jetkizilgen kórsetkishterin protsessorlardyń, akkýmýlıatorlardyń jáne basqarýshy baǵdarlamalardyń jıyntyq jetistikteri dep sanaýǵa bolady.
Rynok ósýiniń qarqyny joǵary bolǵanyna qaramastan, áli kúnge deıin netbýktardyń úlesi az bolyp otyr. Asus netbýktardy óndirýshilerdiń ishinde úshinshisi bolyp tabylady - bul kompanııa álemdegi osy tektes barlyq portatıvti qurylǵylardyń 14,8 paıyzyn shyǵarady.
