Asus kompanııasy jańa smartfon shyǵarýdy ýaqytsha toqtatty

ASTANA. KAZINFORM — Asus kompanııasy 2026 jyly jańa smartfon modelderin shyǵarýdy ýaqytsha toqtatatynyn málimdedi. Buǵan deıin Taıvandaǵy dıstrıbıýtorlar 2025 jyldyń 31 jeltoqsanynan bastap jetkizilimderdiń toqtaýy jáne bıznestiń jabylýy múmkin ekeni týraly habarlaǵan bolatyn. Bul týraly DigiTimes basylymyna silteme jasap, 24 kg saıty jazdy.

Alaıda Asus bul aqparatqa jaýap retinde naryqtaǵy jumysyn jalǵastyratynyn, biraq aldaǵy bir jylda jańa ónimder usynýdy josparlamaıtynyn aıtty. 

Sonymen qatar kompanııa buryn shyǵarylǵan qurylǵylarǵa tolyq qoldaý kórsetiletinine kepildik berdi. Atap aıtqanda, kepildik qyzmet kórsetý, jóndeý jumystary jáne baǵdarlamalyq qamtamasyz etýdi jańartý jalǵasady.

Asus smartfondar naryǵyna 2000-jyldardyń basynda kirdi. Kompanııanyń ZenFone jelisi qoljetimdi baǵasynyń arqasynda Ońtústik-Shyǵys Azııa elderinde keńinen tanymal boldy. Alaıda qytaılyq brendter tarapynan básekeniń kúsheıýi Asus-tyń naryqtaǵy pozıtsııasyn álsiretti. 2018 jyly kompanııa mobıldi baǵytta qaıta qurylymdaýdan ótip, iri qarjylyq shyǵyndardy esepten shyǵardy. Osydan keıin Asus premıým-segmentke arnalǵan ZenFone modelderine jáne oıynǵa arnalǵan ROG Phone qurylǵylaryna basymdyq berdi.

Al Ilon Mask smartfondardyń 2030 jylǵa qaraı joıylatynyn boljady.