Asý Almabaev UFC týrnırindegi kezekti aıqasyn ótkizý úshin Qatarǵa keldi

ASTANA. KAZINFORM – Qazaqstandyq MMA jaýyngeri Asý Almabaev Qatarda ótetin UFC týrnıri ótetin jerge keldi. 

Prosports.kz sporttyq portalynyń málimetinshe, osy týrnır aıasynda qazaqstandyq faıter (22-3, UFC: 5-1) burynǵy chempıondyq ataqqa úmitker, amerıkalyq Aleks Perespen (25-9, UFC: 7-5) oktagonǵa shyǵady. 

Sonymen qatar Asýmen birge týrnırge UFC chempıony Ilııa Topýrııanyń aǵasy Aleksandr Topýrııa da kelgen. 

Keıingi jekpe-jeginde otandasymyz Hose Ochoany senimdi túrde jeńgen edi. Al onyń aldaǵy qarsylasy Aleks Peres buǵan deıingi aıqasynda japonııalyq Tatsýro Taıraǵa tehnıkalyq nokaýtpen ese jibergen bolatyn. 

Eske salsaq, budan buryn Shavkat Rahmonovtyń kelesi qarsylasy kim bolýy múmkin ekenin jazǵanbyz.