Asý Almabaev UFC-de tórt márte jeńiske jetti

ASTANA. KAZINFORM – Qazaqstandyq aralas jekpe-jek sheberi Asý Almabaev (20-2) Las-Vegasta ótken (AQSh, Nevada shtaty) UFC Fight Night 245 týrnırinde óner kórsetti, dep habarlaıdy Sports.kz.

Asý Almabaev UFC reıtinginde eń jeńil salmaq boıynsha 7-shi orynda turǵan (Asý Almabaevtyń ózi 14-shi orynda tur) brazılııalyq Mateýs Nıkolaýǵa (19-4-1) qarsy shyqty. Kezdesý úsh raýndtqa eseptelgen bolatyn. Tóreshilerdiń biraýyzdan sheshimimen Asý jeńimpaz dep tanyldy.

Osylaısha, Asý Almabaev kásibı mansabyndaǵy 21-shi jeńisine qol jetkizdi, al Mateýs Nıkolaý jeńilis tapty.

Aıta keteıik, bul Asýdiń UFC-degi tórtinshi kezdesýi. Osyǵan baılanysty qazir faıterdiń rekordy 4-0 bolyp otyr. Al qazaqstandyq sportshynyń qarsylasy onynshy kezdesýin ótkizip, rekordy 6-4 boldy.

Osyǵan deıin qazaqstandyq aralas jekpe-jek sheberi Asý Almabaevtyń (20-2-0) kezekti jekpe-jeginiń aldynda salmaq ólshegeni týraly jazǵan edik.