Astyqty tasymaldaý josparlanǵan kólemnen artyq oryndaldy - Kólik jáne kommýnıkatsııa mınıstrligi
ASTANA. 10 qańtar. QazAqparat - «2011 jyldyń basynan astyqty temir jol arqyly tasymaldaý kólemi 7 mıllıon 94 myń tonnany qurady. Bul jospardaǵy kórsetkishten 28 paıyzǵa artyq», - dep habarlady Kólik jáne kommýnıkatsııa mınıstrliginiń baspasóz qyzmeti.
Baspasóz málimetterine qaraǵanda, 2011 jyly astyqty tasymaldaý kólemi qyrkúıekten jeltoqsanǵa deıin 4 mıllıon 529 myń tonnany qurady. Bul jospardaǵy kórsetkishten 33 paıyzǵa kóp. Onyń 2 mıllıon 704 myń tonnasy eksportqa jóneltildi. Bul da jospardaǵy kórsetkishten 8 paıyzǵa artyq. Osylaısha, «Azyq-túlik kelisim-shart korporatsııasy» aktsıonerlik qoǵamy Aqmola, Soltústik Qazaqstan jáne Qostanaı oblystarynyń elevatorlarynan ońtústik oblystarǵa 500 myń tonna kóleminde astyqty tasymaldaý jobasyn tolyqtaı jáne belgilengen merzimderde oryndady.
