Astyqty negizgi aımaqtar jappaı egin jınaýdy tamyzdyń úshinshi onkúndiginen bastaıdy
«Bıylǵy egin jınaý naýqany ýaqytynda bastaldy. Búgingi kúni respýblıka boıynsha barlyǵy 1,5 mıllıon gektarǵa jýyq dándi jáne dándi-burshaqty daqyldar nemese kórsetilgen oblystardaǵy jalpy egin jınaý alańynyń 14 paıyzy jınaldy. Ótken jyly dál osy kúnge 1,6 mıllıon gektar nemese 15,7 % jınalǵan bolatyn. Ortasha túsimdilik gektaryna 10,1 tsentner qurap, 1,5 mln tonna astyq bastyryldy. Astyq egýmen aınalysatyn negizgi aımaqtar jappaı egin jınaýdy osy aıdyń úshinshi onkúndiginen bastaıdy», - dedi Erbol Qarashókeev .
Onyń aıtýynsha, jappaı egin jınaý jumystarynyń bastalýyna aýyl sharýashylyǵy taýaryn óndirýshiler barlyq qajetti tehnıkany daıyndady. Jalpy respýblıkada egin jınaý jumystary úshin 141,7 myń traktor, 73,5 myń traktor tirkemesi, 36,9 myń astyq jınaıtyn kombaın, 12,8 myń egin oraǵy bar.
«Jumystyń uzaq ýaqyt toqtap turýyn boldyrmaý úshin aýyl sharýashylyǵy taýaryn óndirýshiler jóndeý brıgadalaryn qurdy. Servıstik kompanııalarmen olardyń dalalyq qyzmetin kúsheıtý, sonymen qatar qoımalardy qajetti qosalqy bólshektermen tolyqtyrý boıynsha tıisti jumystar júrgizildi. Egin jınaý jumystaryn ýaqtyly júrgizý úshin aýyl sharýashylyǵy taýarlaryn óndirýshilerge 396,5 myń tonna jeńildetilgen dızel otyny bólindi. Energetıka mınıstrligimen birlesip oblystardyń operatorlaryn munaı óńdeý zaýyttaryna bekitip berý grafıgi jasaldy. Shildedegi kólemderdi óńirler tolyǵymen aldy. Qazirgi ýaqytta tamyz aıynyń kólemderi jóneltilýde», - dedi Erbol Qarashókeev.