Astyqpen tolyq qamtamasyz etilmegen óńirler bıdaıdy elimizdiń basqa óńirlerinen tasymaldaýy qajet
ASTANA. Tamyzdyń 16-sy. QazAqparat /Rýslan Ǵabbasov/ - Astyqpen tolyq qamtamasyz etilmegen óńirler bıdaıdy elimizdiń basqa óńirlerinen tasymaldaýy qajet. Bul týraly búgin Úkimette ótken keńeste Aýyl sharýashylyǵy mınıstrliginiń jaýapty hatshysy Evgenıı Aman aıtty.
«Respýblıkanyń azyq-túlik qajettilikterine astyqtyń jyldyq muqtajdyǵy 3,4 mln. tonnany quraıdy. Astyqtyń boljanyp otyrǵan jalpy jıyntyǵy 7 oblysqa ózderiniń jyldyq qajettiligin óz esepterinen qamtamasyz etýge múmkindik beredi»,-dedi E. Aman. Onyń sózine qaraǵanda, qalǵan óńirler Aqtóbe, Batys Qazaqstan, Almaty, Atyraý, Qyzylorda, Mańǵystaý, Ońtústik Qazaqstan oblystary jáne Astana men Almaty qalalary astyq boıynsha ishki qajettilikterin basqa aımaqtardan qosymsha tasymaldaý arqyly tolyqtyrýlary tıis.
