Astyq jetispeýshiligi anyqtalǵan kásiporyndar basshylaryna qatysty qylmystyq is qozǵalyp jatyr - AShM

ASTANA. 9 sáýir. QazAqparat - Aýyl sharýashylyǵy mınıstrligi astyq qabyldaý kásiporyndaryndaǵy astyq jetispeýshiligine baılanysty is materıaldaryn Qarjy polıtsııasyna joldady. Soǵan oraı, «Predgornenskıı elevator» JShS men «Bel-aǵash MKK» JShS basshylaryna qatysty qylmystyq is qozǵalýda. Bul týraly búgin Aýyl sharýashylyǵy mınıstrliginde ótken brıfıng barysynda Agroónerkásip keshenindegi memlekettik ınspektsııa komıteti tóraǵasynyń orynbasary Almabek Mars málim etti.

Komıtet tóraǵasynyń aıtýynsha, tekserýler barysynda anyqtalǵan taǵy birqatar astyq qabyldaý kásiporyndarynyń basshylaryna aıyppul salynǵan. Máselen, ótken aptada Batys Qazaqstan oblysyndaǵy «Peremetnenskıı elevatory» JShS 993 tonna bıdaı jetispeýshiligi anyqtalǵan. Bunyń barlyǵy «Azyq-túlik kelisimshart korporatsııasy» AQ-ǵa tıesili memelkettik astyq bolyp otyr. Al kelgen shyǵyn 39,7 mln. teńgeni quraıdy. Osyǵan oraı, atalmysh astyq qabyldaý kásiporny basshylyǵyna arnaıy nusqama-hattamalar toltyrylyp, aıyppul salynǵan.

«Bıylǵy jyly tekseristerdiń arqasynda astyq jetispeýshiligi keńinen anyqtalyp jatyr. Negizi naryqta astyq qymbattaǵan shaqta astyq qabyldaý kásiporyndary dál osyndaı jolmen quqyq buzýshylyqqa barady. ıAǵnı, kásiporyn qojaıyndary memleket usynǵan astyqty arzan paıdanyń kózine aınaldyryp otyr. Olar dál qazirgi naryqta astyq qymbattaǵan ýaqytta qoımadaǵy bıdaıdy satyp, onyń ornyn naýqan kezindegi arzan baǵadaǵy astyqpen toltyryp otyrýǵa tyrysady», - deıdi A. Mars.